13 May 2010

Thil eng eng emaw sawi mai mai teh ang

Promotion ka hmu ve leh ta! He company a kum 4 leh a chanve vel ka thawh chhung a ka promotion hmuh vawi 4 na ani ta.

Tunah chuan corporate world ah kum 7 dawn ka lo awm ve tawh der mai. Kum 7 hi naupan lai khan an rei tehreng nen tunah chuan a tawi ta hle mai! Hriat loh hlan in a lo zo duak mai a, ngaihtuah a ti thui khawp mai. Ka hna thawh kual tawh zawng zawng te kan ngaihtuah hian ka lung te a leng rum rum...

Ka hna mumal thawh hmasak ber chu Food & Civil supply office ah peon hna kha a nia :-) Matric ka exam zawh result ka nghah laiin mi ai ka kal a. Private school ho ah ka thawk kual nasa tawh bawk. Chaltlang veng nula leh tlangval tunah chuan nu leh pa ni tawh te khi ka tuition pek tawh an tam hle bawk. A va senior theih em! :P

Delhi hna zawn lai te kha! Min reject nasa thei si, bei kha a dawng nasa thin ania aww...Unaunu Biteii hi vawikhat chu interview turin khawi office ah emawni an ko a, a rawn haw leh a sawi ka la hriat reng chu "Bathroom ah zung turin ka va kal a, bathroom silfai tu nu hi a lo ding a. Khanu lo ding te kha ka ngaihtuah a, ani hi chuan hna a nei bik ka ti a, ka awt ngawih ngawih khanu kha" a ti. Hna neih loh kha a hlauhawm em ani.

Google a ka thawh hma khan IBM Daksh ah khan kum 2 ka thawk a, Rs 8000 vel ka hlawh a. Kha kum 2 chhung khan promotion vawi khat mah min pe lo. Performance that lawmman chu ka dawng ka dawng a, mahse promotion hun chuan an cousin te, an brother-in-law te an promote zel. Ka ban dawn a ka resignation letter ka submit ni in kan Operations Manager in a room ah min ko lut a, ka promotion letter min han hmuh vel anih kha. An style kha lo uih ngawt mai!

Tuna ka thawhna company hi ka join lo teuh em em khawp a. Ka join nachhan ber chu dik tak chuan thlawhna ka chuan chak vang ani ta ber :)

A tir interview kha ka thianpa interview tur amah a kal hreh min kalpui rawh a tih avangin ka va kalpui a. Test te ka pass leh telephone interview te ka tlang ve zel hnu chuan Hyderabad a insawn ka duh dawn chuan loh avangin an HR ho bulah join ka tum loh thu ka hrilh ta a. Mahse "Kan hmu duh che a, Hyderabad ah I lo zin thei ang em thlawhna ticket kan rawn thawn ang che anga?" an ti chiah mai chu, ka aw rang khawp mai.

Tichuan unaunu Biteii'n thlawhna chuan dan tur zawng zawng te min zirtir a, airport chhung pawh vawikhat mah ka la hmuh ngai loh avangin ka hlau vel vek sia. Mahse keimah chuan Delhi airport atang chuan ka thlawk chhuak ve ta ngei a. Hyderabad airport kan thleng chu, driver form nalh tawkin sign lian takin 'Miss Jerusha, Google' tih a lo keng ka va hmu chu, ka boruak hip changkang vel ta lutuk ka inhmeh loh lutuk avangin ka kal te pawh a buai vek hialin ka hria. Car nalh tawk in office ah min hruai a, ka haw lehna tur ticket nen ka driver chuan airport ah zanah min thlah leh thlap bawk a.

Hemi zawh hi chuan ka ngaisang tawh lutuk a ka interview last na tur Google India Director, sap pa lehngal in phone a min rawn interview tur chu ka tlin loh ka hlau nasa tawh. Sap la be ngai lo tih takah sap anih na ringawt te khan min va ti huphurh zual tak! Chutih lai a Director chu
hepa hi ani a, a lo chhe lo reuh em em mai lehnghal a, laihna tizual turin :P

Mahse Pathian zarah ani hian ka tawng buai lutuk te chu min khawngaih nge pawh ka hre lo, min tlin tir ve ta mai a. Ka thawh hnu ah phei chuan kan inti tha ta zek a. Tunah chuan Google pumpui ah User Ops ah Director a ni tawh. Tunthleng hian India a a rawn zin chang pawhin ka hmingin min la ko thei. Mi lal deuh ka nih hunah chuan a ni ang chiah nih hi ka duh.

Heta ka thawh chin hi chu ka hlim ta em em tlangpui :) Ka beisei phak ngai lohin, ka passport ah te stamp pakhat mai pawh ni lo engemaw zah te a awm ve ta thliah a. Thlawhna la chuang ngai miah lo kha, keimah te in sap ramah te hlau miah lo in ka zin kual ka zin kual ve a. India ram ah leh phei chuan 'Ka van chuang peih lo tak' te kan han ti vel a. Ka rilru ah hetia thlawhna chuan ka nin apiang hian ka chuan chak theih zia ka ngaihtuah chhuak a, Pathian ka zah thin. Chhungte awh ang te, duh ang te han leisak ve theih hi te hi ka inring pha ngai lo.

Kum 4 leh thla 7 chhung a promotion vawi 4 hmuh hi thil awl ai a ni lo bawk a, mi zawng zawng hmuh mai mai loh thil ani.

Heng zawng zawng hi Pathian min pek ani tih hi ka hria. Mahse ka tlin loh na ka in en hian, a nasa lutuk a, ka thil sual tih zawng zawng te, Pathian hian engatinge malsawmna hian min la vur reng le ka ti a, Pathian ka zah a, ka phu loh malsawmna min pek zawng zawng te hi ka ngaihtuah chian chuan ka zak thin a. Mahse thil dang zawng ai chuan, engvangin nge heng malsawmna hi min pek duh le tih hi ka zawhna tam ber ani.

Mahse chung zawng zawng a chhanna ka hmuh chu, sualin phu thlawt lo mah ila, Kraws thihna avangin Pathian mit ah chuan ka hlu in ka lo la mawi ve ngei ani! A mit ah ka hlut miau avangin heng malsawmna te hi ka tan Lalpa hian a lo la phal a ni.

Danglamna a awm lo ve
Kraws thisen hlu ah chuan
Kan mawhphurhna thai bo an ni
Chu chu ka hlutna
Chutah chuan ka mawi ani

Keizawng hlutna ka nei lo
Keizawng mawina ka nei lo
Mahse Kraws thihna avangin
Ka hluin ka mawi a ni.



23 comments:

ku2 said...

ui, i van lo ngaihsan awm reuh, eh, ka sawi thiamlo. i vannei na mai piah lamah i thawk ve nasa hle aniang, kum4 chhunga promotion vawi4 ngawt hmuh chu. bakah, huphurh chung2 in i hmaa tih tur i ti zela, thawh hreh nei bawklo nen, malsawm dawng tlak i ni ve hrim2 nih chu. heh, fak vel che e, mahse i phu ve lom.

"Mi lal deuh ka nih hunah chuan a ni ang chiah nih hi ka duh".- helai hi ka duh. :D

Carey Suante said...

Wow! What can I even say! Yours is a great testimony. Your cup truly runneth over!

Very honest and touching.Thanks for sharing your deepest thoughts and feelings and having the guts to talk about your humble background.

I find it really hard to be so honest about myself or my background. This is something am working on.

Again, thanks for sharing and congrats on your promotion.

azassk said...

Boss(uste!), Congrats! i thuziah hi ka chhiar chhuak dap, mipa chu nilo ila ka hnuk a ulh mai thei a ni:). Mahni in sawi ve ngawt ila:Peon hna ai a hniam mah hi keipawh ka thawk lawp lawp ve thin tlem lai deuh khan. Google a thawh awlai loh zia samuela khan a sawi thin a chu chu a dik ang tih ka pawm thlap.Kum4 chhunga promotion hmuh thil awlai a nih loh zia ka hria ka lawmpui em em a che.

Thlawhna chuan tirh i sawi hian thil tam tak min hriat chuah tir keipawh ka chuan hmasak ber dawn a zah pawn dawn lovin thianpa sawmtea hnen a "Airport ka thleng anga chuan enge ka tih hmasak ber tur....ka lut anga enge tih tur...etc etc" ka zawh lai te min hriat chhuah tir.

I kawngzawh hi kawng awlsam ani fo lovang tih ka hriatthiam pui ve ek ek che, mahse kal zel ang che! Hmaichhana in fak angah min ngai lo la, i chanchin hi mite bulah pawh sawi nuam ka ti thin.

A dik ngawt mai danglam ve ngai lo Pathian kan neih avang hian malsawmna pawh alo danglam ve ngai lo a nih hi.

sawmpuia said...

I thil post ka chhiar tawh zawng zawngah ala ngaihnawm ber! Vairam hna harsatak kara i vakvai lai te...peon ni a zak miahlo a i kal te, mahni intuak hram hram a tuition i pekna te hi tunlai thangtharho zir tham a tling. Sangtak lawn dawn hi chuan a rahbi tir hi a bumboh thin reng a ni.

Khawvel company lianber pawlah i thawk a, award i dawn zozai te hi han awi tel la tha tur. Mizo takin kan chhuangte tihtakzetin..engkim hi ni e i sawi ang hian Pathian malsawmna a ni e... Dam reng rawh..Engtik nge kan lawm dawn tak a ? :-)

Nags said...

this is torture. how do i translate this and if not, how do i know what you have written about???

Zaia said...

A va ngaihnawm tehreng! Ka chhiar chhuak dap. A tawp pawh a va fuh em! I thuziak ka chhiar tawhah chuan a ngaihnawmin min la hneh ber... Ka lawmpui a che.

@Nags: Lolzzz

nancy said...

congrats!! Mi chhuanawm tak i ni.. hmanna Zonet a an kawm che pawh kha ka en ngei alom...

i ziak ngaihnawm hle bok.

Jerusha said...

Ku2 - thank you! Phu na lam en chuan phu intih na eng eng emaw a awm a, phu lohna lam en ila, a lo tam leh zawk zel a..

Carey - Thank you. Re sharing about oneself, I think it works both ways. Some people find it difficult, and some overshare. They're both good and bad I guess but oversharing is more embarrassing so at least you won't ever be subjected to embarrassment because you revealed too much of yourself.

Jerusha said...

Boss Zara & Sawmtea - haha thlawhna chuan tirh chu keipoh chu chiah chu a ni mai. Biteii'n "I va luh veleh chu chu ti la, chuan I phei deuh ang a, chutiang khatiang chu a lo awm ang a.." haha

Hna hniam thawh tih ah hian sawi treuh tur ka nei. Post dangah la ziak leh ila a tha ang :) Nangni pahnih chuan hei chu in hriatthiam tur anih avangin in bulah chuan sawi a chakawm zual.

Jerusha said...

Nags - writing about the good ole days when I was being interviewed by Google, my last interview with Roy (hence the picture :)). Next time I see you remind me to sit with you and go through some basic Mizo lessons over coffee hahah

It was good seeing you on VC yesterday. I noticed you were the only female in the room surrounded by (possibly) cute men. Now why can't my workplace be like that? :DD

Jerusha said...

Zaia & Nancy - Thank you! Min lo chhiar sak a ka lawm e. Promotion lawmna naktuk ah ka sawm vek che u :DD

aduhi said...

Congrats!Ti tha ngei mai. Wishing you all the best in your new role, and may many more promotions come your way.

Varte said...

Ngaihnawm hle mai, mihlawhtlingte hian hetiang hi han ziak thin ula, thangtharte cho nan te pawh a tha ngai e.

Naupan lai ka hrechhuak thin -
Drama kan chan a, "Pi Mary hi fel ber mai, hmeltha bawk si.." i tih vel laite kha ka ngaihtuah chhuak lolzz..

Irene said...

Congrates for your new promotion! Tuarchhel,taimak,rinawmna hi kawng engkim a min puitu a ni.

Kan hna thawh chhoh dan chu in ang hle mai...private school a ka thawh lai te tuition ka pek kual lai vel te pawh min hriat chhuah tir hle mai....

May God bless you in the days to come!

virgochhas said...

Congratulations!! ti leh ang...

ka lawmpui takzet che...i hria...ka lawmpuina che ai mahin ka chhuan na che hi a nasa zawk in ka hria :)

i chanchin hi ka lo sawi ve fo thrin a, i hna dang te pawh kha...i post dang ah ziah i tum bawk a...

i taimakna, rinawmna, tuarchhelna...a fakawm ngawih ngawih...

Pathian in a malsawm tak meuh che...a chhan chu malsawm tlak in i awm a ni mai...

promotion hmuh belh zel turin ka duhsakna sang ber ka hlan che...

Jerusha said...

Aduh - thanks you much!

varte - I va rawn sawi chhuak tha, ka lo theihnghilh titih tawh a a rei tawh vawng vawng eee. Kha skit ah khan Robert a ka nih ngei kha :) Lung a leng khawp mai, khang hun lai a ka thian te thenkhat te chu he kahwvel ah awm tawh lo chu ni ve ta mai sia...

Jerusha said...

Irene - Thank you! Tuarchhel te pawh hi, lo tuarchhel in emaw lo taima ve tehreng pawh ni ila, heng tawrhchhelna te pawh Lalpa min pek loh chu he khawvel ah hian engmah ka nei lo. MIn khawngaih fo na hi tawrhchhelna ai chuan a ropui ber chu ani.

Rams - Thank you for everything! Funny how we've never even seen each other in real life but your support through the past few years have meant a lot to me :)

illusionaire said...

Congrats bosssss. Keini pawh vawiin khan appraisal form kan fill up mek a. Hahaha. Kum 2 ka thawk tling ve tep tawh, my first work experience. Promotion chu vawi khat chauh ka la hmu, mahse appraisal erawh vawi 7 :-) Hopefully I will get both promotion and appraisal this time *fingers crossed*

And lolz, why post this great news in Mizo only and not share it with everyone? I sympathize with Nags :)

apatea said...

Ngati nge promotion lai hian ka awm ve loh?! Promotion hi ka lawmpui ve duh che sin!! hehe

Anyhow Congrats! You've Earned it...

Thil dang ka ngaihsan chu thudang ni se, thil ziak (leh sawi) hi i ti ngaihnawm thiam em em mai hi ka ngaisang tawp. Min zirtir ve rawh, ui note in ka lo lei ang hehe

Alejendro said...

Congrats.. ava ropui ve.. malsawmna i dawn ang bawkin midang tan malsawmna lo ni ve ngei ang che.. tisa lam ringot nilo in.. thlarau lamah pawh... I really love the post.. glad u shared it..

mesjay said...

I post a ngaihnawmin a chhiar manhla ngei mai. Congratulations on your promotions!

Jerusha said...

Kimkims - I'm trying to write more in Mizo, now don't come discourage me from that :) Good luck with the promotion, I'm sure it will come soon!

Apate - Promotion chu Aizawl rawn thlen hun hun ah kan lawm leh dawn nia. Re. ziah ngaihnawm, I hnen atang ka zir chhuak bawk a ka sang alawm :PP

Jerusha said...

Alej and Mes - thank you!