08 February 2011

Motor Acid

Kan tet laiin vawikhat D.C Workshop motor hmanrua chhia etc an dahna ah motor acid an lo dah kan chhar a. A chhung a a phek kha kan la chhuak a, lawm em em in inah kan hawpui a. Choka atangin bowl leh fiante pakhat kan ru chhuak a. Chhuah pahin chi tam tawk kan tham ru bawk a.

Inchung lamah kan tlan chho a, tah chuan tuiah kan chiah a, chi kan telh bawk a. Kan chil thli te tla zawih zawih khawp in kan han chawh vel hnu ah, kan han in tan ta a. Fian te khat theuh vel kan hawp hman tihin ka U hi a lo kal thut mai a.

"Enge in tih? Kha enge kha kha?" a rawn ti ta. Fian te chu min rawn laksak ta thawt thawt mai a. Tuman engmah kan sawi duh lo a, kan ngawi thap a. Fian chuan an hawp chhin a, "Eee motor acid elaw, tha lo lutuk! Khawi ami nge in neih?" a tia. Bawlhhlawh paihna ami tih kan sawi a.

"Tenawm lutuk, tenawm lutuk, hetiang ei reng reng suh u" tih pahin chhuatah chuan a leih baw ta vek mai a. Concrete chhuat te chu a phuan suah suah mai a acid in an chiah chuan, chuti chung pawh chuan keini chuan ui em em in engmah sawi ngam si lovin kan en thap mai a.

Chutia a leihbuak zawh chu ti tha inti takin inhnuai ah min chhuk san leh mai a. Kan zing a pakhat chuan "I U Mama chu a sual kher mai!" a rawn ti a. Midang pawh chuan sual an tih zia an sawi sap sap a. Kei lah zak leh thiante laka inthlahrung em em in ka awm a. Acid bua ai chuan min leihbuak sak tu kha ka U ani kha pawi ka ti ber mai. Khami ni a ka U kan ngei em em zia kha.

Hemi tih loh hi chu motor acid ka la ei chhin awm pawh ka hre lo. Mahse ka thiante zing ah heh tak tak an tam. Mizo lo hi Motor acid liah ching hi khawvel ah an awm ve angem le?

17 comments:

Mizohican said...

hehehe... keipawh Bawngkawn JJ sikul a ka luh thin lai khan kan liak zing mai. Kan in haw kalkawng ah i workshop sawi khi a awm sia, kan zawng deuh ziah mai acid liah tur... a nuam eeee Mizo nih hi! haha! :D

Anonymous said...

Hahah! I cement chhuat chu a tichhe lo maw ?

Mi jeep ( old model ) a hma lam kha kan hawng ru a, pawnchhia kan chhiah a, kan ei thin. Lei a kak thuk thei phian.

Ka lo ngaihtuah ngai miah lo, hnawmdang hian eive tak maw!

Jerusha said...

Kims - JJ ah khan I kal thin elaw??? hahahhah ka nuih za tawp I inhmeh lutuk. Ka thiante/cousin vel kal an tam thin a, an school song te kha ka thiam ve thin.

Seki - tih chhiat te pawh tichhia ang mahse hei inchung terrace hi ania, pawi tham lo :) Acid pangai liak khan lei chu a kak nasa thin, motor acid lamah hian ka la experience lo. Ka liak chak tlat anih chu tunlai chu LOL

caribou said...

Motor acid hi ka la ei ve chhin miah lova. Kan naupan laiin ka thian te chuan an ei fo mai. Taksa tana a that hi chu ka ring vak lem lo. Mahse, thil hi a hunlai hi a awm ve reng reng a.

Anonymous said...

motor acid taste ve chhinna chang hrelo hnamho chu lenlai chan...ka ti mai (sando)

Jerusha said...

Caribou - ee engatinge I la ei ve chhin loh a. Mizo naupang chuan vawikhat tal tem threuh tur hahah

Sandos - thil thur tui zia hi Mizo tluka man kan awm lo in ka hria. Hnam dang ho hian thur ngam loh luat ah thil chan an ngah

TKA Hnamte said...

A va lunglenthlak ve aw!!! Kan naupan laiin motor acid chu kan liak nasa thei lutuk... Mahindra jeep hma kha hawn a awl sia, lapua kan neih loh pawhin lehkha kan chiah a, kan liak nasa thei rapss...
A hlauhawm tih kha kan hre lo reng reng a, khatiang hunlai khan hmawmsawm dang a tam lo bawk a, a hlu duh lehzual....
Tin, khatiang jeep gear hmawr bawk kha kan herh thlawn a, a chhungah suan emaw kan chhung a, in marble thapnaah kan hmang thin... :-)

Jerusha said...

TKa nia a lunglengthlak. Tunlai chu ka lung a leng deuh aniang hetiang naupan lai hmanlai hun lam rinmgawt hi ka rilru ah a awm. Hmawmsawm kha a vang bawk a kan vir ngawt mai, thil re re mai kha ei kan tum vek mai a, tui em em zel bawk a :) Hmunphiah kung zik no te, iskut hnah ro kan hmuam thul, kan thiannu pakhat leh phei kha chu lung no heh deuh mai a awm thin

VaiVa said...

Lung i va ti leng e. Kan electrician pakhat ka dil ringawt. Hydrometer nen batt charging compartment lam a pan mek. Tui tlem ka pawlh ang a, hmarcha hmui tlem ka la nei a, purun sen nen lawng bathlar ah hian kan liak dauh dauh teh ang... ka chil a put...

Tin, ka bul a Kashmiri pa hi chuan a liak ve thin ngei a ni awm e. :P

MRalte said...

Ih maw, kan naupan laiin i u Hmingchuanga ngei mai nen ka pa jeep (mahindara old model ngei mai) battery cell chhia sitting room sira a dah chu bati chhi meuhva hongin lapua chiahin kan ru toh alom. Mas lai a ni a,a mas kekor phelh phal loh ngei mai khupah a tifar palh ta a nih kha! A moih nghal thot, tlem a pot, a thler iak iak, i nu Thani kan hrilh ngam der si lo, a poi thur hi a ni tops!

Jerusha said...

Vaiva - haha a va nuam awm dar dar ve, lawng a chuang chung ngei mai a motor acid han liah vel chu. Kashmiri ho pawh khi an ram harsat zarah hmawmsawm tlakchham luatah an lo liak ve thin ngei anih dawn chu. An lawmpui awm e :)

Mralte - U Hminga chu ka nuih a ti za eee hahah ka mitthla in ka hmu a, a nu hlau tur si nen kekor arh leih loih trial rek ruk a ni ngei lo maw hahha

thinchhia said...

haha motor acid kha a thur dan a fir bik riau sin, tui kan va ti thei tak..chi thak te pawh awm in ka hre ta hehe

Alejendro said...

I was never allowed to do. I know others were also not allowed but my case was different. If my parents said I can't do it, that means I can't do... until I stayed in a Boarding.. :-P

..it's a same thing with the kite. I used watch other kids flying kites. I never fly a kite in my entire life(till now) because I wasn't allowed.

MRalte said...

Soi a hlau kei lahin a nu hriat ka hlau bok. Inti nalh tehreng e... poh deuhhlek chuan thler uak uak sia, poh poh pot ngam lo mo le...

Jerusha said...

Thinchhia - acid tlem leh chi leh aieng leh hmarcha kan pawlh a tui ah, damdawi bur ruak ah a chhin tlem a chhun pawh ah kan han dah a, a va han tui thin tak em!

Alej - too bad you missed out on such a big part of a Mizo kid childhood. But I'm guessing you did a bunch of stuff way worse than eating motor acid in boarding school.

Jerusha said...

Mralte - hmuh leh veleh ka chhaih ang. Tunah motor acid ei ngai lo ang lekin inhmuam up deuhin a leng leh si hahha

Lucy In The Sky said...

Biakin a mike ilo vel an dahna ah hian a bawm lianpui an hung thrin a kan zu hawng lapua kan zu chiah a kan fawp thrin :)

Kan mawl lutuk kha Pathian in min veng a nih ka ring ta ber.