09 December 2009

Mizo Bible a James leh Jakoba te hi

Hei hi Mizo zawng zawng chuan kan zawt fo tawh hlawmin ka hria. English Bible a James tih Mizo Bible a Jakoba tih a han dah daih mai chu a inpersan em em mang e ka ti thin a, Mizo rilru ah chuan hming hrang hlak pahnih an ni sia. Ka zawt kual in mi in an discuss na te pawh hi ka en kual nual tawh a. Mahse chung zingah chuan Sap pa pakhat, Mizo tawng kawi khat mah hre lo in a rin dan a min explain sak hi a awm ang berin ka hria.

James hi chu he hming English version a lo ni ta a, Italian - Giacomo, French - Jacques, Swahili - Yakobo, Hebrew - Ya'akov, Latin - Jacobus. Bible an translate khan English James hmang lo hian Latin Jacobus atang in an la a ni thei em?

English Bible atang a translate pawh lo ni ta se, mihring hming te hi chu a original Greek atang a 'English version' a 'alter' tawh an lo ni ta a. Chuta tang a Mizo a thlak leh chhawn chuan keini Mizo version kha a 'dal' tawh dawn em avangin, a original source Greek atang a thlak tawh atanga Mizo version a thlak leh ai chuan Mizo Bible atan chuan Latin kha source language a hman zawk kha a fair pawh a fair zawk hrim hrim :-)

A original Greek anih ngati nge an hman mai loh tih hi rin thiam dan pawh a har tawh. Mahse ngatinge Greek an hman loh tih ai chuan, ngati nge Latin an hman tih chu risk a awl leh deuh. Latin an hman chhan ni thei awm chu hmanlai Rome ho hun lai atang tawh khan Latin kha biakin lingua franca, an language puipa ber a nih vang te pawh a nih ve theih hmel tho.

Peter, John, and Luke te pawh hi Latin chuan Petrus, Johannes, leh Lucas an nia. English hming atang a let lo ni ta se John te hi Johna tih mai awm ania, Latin atanga let an lo nih ngei chuan Johannes atang a Johana a dah te hian awmzia a nei deuh zawk in ka hria.

Mahse sawi tawh angin, hei chu risk khawm ania. Chiang taka hria in awm chuan min han hrilhfiah teh u.

------------------------------------------------------------------------------------------------

Thildang lawks - Web development lam thiam, free time ngah deuh in awm em? php, mysql, advanced Wordpress leh Joomla theme siam thiam, hna nei lo, in a internet connection chak tawk nei in awm a pawisa hlawh duh in awm chuan min lo contact teh u.

9 comments:

Naupang^Fel said...

Sap ah pawh Jacob an awm ve leh tho a. Jacob Oram te kha..

Sekibuhchhuak said...

Chawnghlih of misual dot com in a hria ang ! :-)

Lalrinmawia said...
This comment has been removed by the author.
mnowluck said...

wots that work all about.. I can do that for you :P

jerusha said...

Naupangs - Han chhui zawm ve la Jjacob chu. These are all speculations.

Seki - Chawngchilhi chu va zawh tur anih chu :)

Mnow - Check your FB inbox :)

virgochhas said...

i zir chian peih na a lawmawm...mahse Mizo trong a post i siam apiang ah zawhna i zawt tel tlangpui :P

i nephew pic lo update la

*biru daih ang*

Lalrinmawia said...

Hello! I blog chhiar a manhla thin ngei mai. Eng emaw tal ziah ve min ti chak tlat thin, hence...
1. Mizo Bible kan hmanlar bera Bu hrang hrang te hi mi hrang hrang lehlin a niin ka hria a, chuti anih chuan an text hman pawh a dang ngeiin a rinawm. Hming dah dan pawh hei vang hian a inanglo a ni maithei.
2. 'a original Greek'(para 3) i tih hi a awmzia ka hrethiam chiah lo a. English Bible hi Greek atanga lehlin i tihna ah ka ngai. Chuti pawh chu lo ni ta se, ancient text dang e.g., Masoteric Hebrew text, Latin Vulgate, Aramaic Targum te hi Mizo tawnga Bible letlingtute hian an rawn ngei ka ring. Chuvang chuan Latin leh Greek hming te pawh a lo inpawlh ta deuh te pawh a ni'ang e.
3. Mizo Bible buatsaihtute hian Mizote'n thil kan lam(pronounce) dan leh kan hming phuah dan zulzuiin hmingte hi an siamrem pawh a ni thei.
4. Rev. V.L. Zawnga (Baptist Church of Mizoram) hian hetiang lam hi chu a hre khawp mai a. A zawt thei in awm chuan han zawt teh u.
Ka thil lo ziahte hi ka rindan mai a ni a. A hrechiang in awm chuan han ziak teh u. Hriatna lama tuihal kan tam hi.

Happy Christmas Jerusha. Live forever.

jerusha said...

Rams - Ka Mizo post ho hi chu thil hriat loh zawhnan ka hmang ve bawk a, sawi tur hrim hrim aiin zawh tur hi ka ngah zawk zel a buaithlak tops!

Rinmawia -

2 - Original Greek ka tih awmzia chu Bible originally a an ziahna language ka tihna ani deuh ber. English Bible te pawh hi Greek atang in nge an leh Latin atangin tih hi ka hre chiang lo.

3. Kan Mizote thil lam dan hi ka 'linguist' zawh pa pawh chuan a sawi ve chiah! Example, Mizo tawng ah 'T-r' sequence awm loh vang te pawhin Petera (instead of the Latin Petronus) tihin an dah. A suggest dan chuan English Peter kha Petera an ti lo ang a, mahse Latin Petronus kha, Mizo lamdan leh ziah dan nen a inmil loh avangin English an la ta chiah angah a ngai. A nih ve duh hmel ka ti khawp mai.

I point rawn dah ho thra khawp mai. Rev. V.L. Zawnga pawh chu nangmah khan lo zawh mai dan I hre nghe nghe lo mi? :P

And a very beautiful Christmas to you too!

ShumacherChhurzz1234 said...

Lo bih ngun bik hle mei Ujeru chu..
I blog ka chhiar a ka hre chiah hehhe