25 November 2009

Mizo pangpar te leh an Sap hming

Mizo pangpar leh hnimhnah ho hi hi an Sap hming hi hriat hi lunglen changin a lem internet velah han en duh chang atan a pawimawh ve ania. Sap hming hriat miau loh chuan zawn ngaihna a vang tlats!

Hei vang hian hman deuh atang khan ka ngainat zual ho hi tlem tlem in ka hriat belh ve zel a, chung ho chu kan share ve ang e. In lunglen nikhua a in lo Google Image ve duh takin :-) (A tam zawk hi chu kei mah pawh hi ka chiang chuang lo a, a Sap leh a Mizo hming ah, a dik lo ho chu min rawn correct dawn nia).
  • Anthur: Mallow (a ni thei em?). Mallow family zing ami hi chu a ni chiangin ka hria a, Grape leaved Mallow an tih hian a hnaih ber em aw ka ti deuh.
Anthur hi chu an lo hrisel ngang aniang, Pliny the Elder, Roman philosopher fing tak pawh khan ''Whosoever shall take a spoonful of the Mallows shall that day be free from all diseases that may come to him" a lo ti. (Mallow chu Anthur chu a lo nih ngei chuan....)
  • Artukkhuan: The Four O'Clock Flower or Marvel of Peru (Mirabilis jalapa)
  • Bal: Malanga, Tannier
  • Cecilia par (kan ti mai thin a kan tet lai chuan, a Mizo hming dik tak hria in awm em?): Impatiens - Sultan's Balsam, Busy Lizzy (Impatiens walleriana )
  • Chhawkhlei (hei chu kan hriat fur ka ring): Rhododendron
Chhawkhlei hi Mizoram ah ka la hmu ngai lo na a hmun dang ka zinna ah hian ka hmu zeuh zeuh. La par mawi leh par nasa ber ka hmuhna chu Melbourne ah, Dandenong tlang lam kan kalna kawng pakhatah ania, kan inti spisiality hle na a Mizoram ai chuan a par uar zawk deuh anih hmel :)
  • Chuailo par: Globe Amaranth (Gomphrena globosa)
  • Hnahsin par: Cosmos (A thlalak pawh hi keima pangpar ngei leh keima lak ngei kan hmang ang e - khawvel pangpar zawng zawng a ka pangpar ngainat ber leh ka mit ah chuan mawi ber leh thinlung khawih ber leh lung ti leng ber tu :))
  • Di suak (Hei pawh hi kan tet lai a kan koh thin dan ania, a chang chuan Di tlawm chi te pawh kan ti thin. A Mizo hming dik tak hi ka hre lo): Montbretia
  • Dingdi (Dingdi hi kan ti thin a, mahse hei chu a hming dik lo ani chiang sak, a hming dik tak ka hre lo): Scarlet Milkweed
Heng par hi kan naupan laiin kan in kawt ah ka phun thin a. A thran duh bakah a par tha duh lutuk a enkawl ngai si lo in, mahse pangang var lian lampang a dum a tial hi an awm duh lutuk a, chuvang chuan heng pangpar hi ka hlauh phah tawp. Heng pangang hi hmun dangah pawh heng pangpar awmna ah hi chuan an awm duh aniang, 'Scarlet Milkweed' ti a ka search hian, ka result first page zing ah ka pangang sawi ang ngei chu a lo lang ve hlawl mai!A pangang hming hi Baby Monarch Caterpillar ani leh zel e :-)
  • Duli par (hei pawh tet lai a kan koh dan bawk, a Mizo hming dik ka hre lo, a scientific name Dianthus kan ti thin bawk): Sweet William (Dianthus barbatus)
  • Fartuah: Indian Coral Flower
  • Forever par (hei pawh hi tet lai koh dan, enge Mizo hming hran a nei em ka hre lo): Moss Rose
Forever par hi chi hnih a awm thin kha, Moss Rose tia zawn pawh hian a chi hnih ve ve hian result a rawn lang ang.
  • Hruipui rah: Moriche Palm (Mauritia flexuosa) (a dik full fight em ka hre lo..han chhui zawm ve teh u)
  • Isua Thinlung (tet lai sawi dan bawk, official takin Mizo hming a nei em ka hre lo): Coleus
  • Kumtluang par : Periwinkle (Vinca rosea)
Kumtluang par hi a Zo in a nalh ka ti hle na a, uite pangang hi an awm duh lutuk avangin ka nei duh ngai lo. (Uite pangang hi Hercules Moth Caterpillar an ti in ka hria.)
  • Kungpuimuthi: Canna. Helai picture ami a sin chi ang hi chu Indian shot an ti a. A buk deuh chi khan common names hrang hrang an nei leh. Eg - Tropicanna. Heng ho hi chu a mu pawh inkhualtelem na ah chuan artui ang a kan hman thin kha.
  • Nuaithang: Balsam (Bicolor rose, Garden etc)Ram Nuaithang pawh a awmhran kha. Khang kha chu Himalayan Balsam an ti. October Mizoram ka haw khan ram ka kal a, ramhnuai ah ram Nuaithang hi an lo par nasa mai a, lung chu ti leng ve tak ani! Ram Nuaithang chu hei:
  • Mawza par (Hei ai a official Mizo hming a awm em ka hre lo): Salvia, Scarlet Sage
  • Mitthi pangpar (hei pawh hi official deuh in enge a Mizo hming a awm ang): Lantana, Yellow Sage
  • Rimenhawii (Mizo hming dik tak ka hre lo): Cypress Vine, Cardinal climber, Star Glory
  • Sap pangpar: Zinnia
Sap pangpar hi ka pi huanah a par nasa thei lutuk a, ka lung hi a ti leng tawp thei lo.
  • Sekhupthur (chi hrang hrang a awm thin a, hei a tam leh common ber thin): Wood Sorrel
Kan naupan lai kha chuan kan vir thei em em khawp a, a par nen lam hian kan ei quit vek thin.
  • Uiteka: Snapdragon
  • Zamzo: Cockscomb (Crested, Silver, Plumed etc)
Zamzo hi ka nu pangpar duh ber ani ve thung a, Zamzo ka hmuh hi chuan ka nu min ti ngai thin.
--------------------------------------------------------------------------------------------------
Thil dang deuh....

Hussop: Hussop tih hi Bible ah hian a lang zing riau a, 'Hussop in mi tifai la, tichuan vur aiin ka var ang' tih te. Eng thil nge maw anih le ka ti rilru thin a, hmunphiah ang lampang chi engemawni anih dawn hi ka ti mai thin a. Kan chhui chiang chu he hnim lek hi a lo ni reng a - A hming original chu Hyssop (Hyssopus) ania, Mizoram ah ka la hmuh ngai awm ka hre lo. Lo hre palh in awm a, Mizo hming a lo neih palh hlauh a, chu chu enge tih in lo hriat palh hlauh leh phei chuan rawn contri thei ula a lawmawm viau ang.

---------------------------------------------------------------------------------------------------

Mizote tan chuan heng pangpar te an Sap hming hriat loh ai a pawi zawk chu an Mizo hming pawh hriat loh hi! Mi tamtak hi kan pangpar te hming hre mang lo hi an tam lutuk a, a tha lo ka ti. Florist ah pangpar exotic, "foren" deuh deuh, hming dik tak a hre vek a order zung zung thei si a, Zamzo takngial pawh hriat leh si loh hi chu ka fate chu ni se ka vei viau ang. Mahse hei chu off topic....to each his own :-)


With a few flowers in my garden, half a dozen pictures and some books, I live without envy :-)


37 comments:

Almost Unreal said...

Hnahsin hi ka lung a ti leng lutukkkk....pangparah chuan a lo mawi ber maiin ka hria

sekhupthur hnah thlalak nalh zet mai tunah hian ka wallpaperah ka hmang mek..nalh ka ti ltk a, ka thlak phal lo

virgochhas said...

thriannu,

i sap tawng thiam zia hi ka soi fo thrin a...ka ngaisang che

mahse he ti tak a Mizo pangpar lam i lo hria hi ka ngaisang zual che

Mizo pangpar leh a hming tih lam ah chuan i ngaihdan ni lo category ah hian ka tel tlatz... :( ...

I ziah tam tak hi a par leh a hming ka lo hre kawp ngai lo...

I blog post hi thil hlu tak a nih hi...mahse ka zak ram ram :D

azassk said...

I post hi a va hlu ve! i sawi an chiah hi ka rilru ah awm thin chu Mizo thil eng pawh hi google a han zawn a hmuh tur awm ve se tih hi. Flickr a thlalak ka dah tam tak pawh hi tam tak tan chuan a ho mai thei a mahse internet ah hian lo awm ve reng reng se engtik ah emaw mamawh hun a awm thei tih rilru puin Mizo/Mizoram lam hawi ka neih ang ang te ka dah ve thin a ni.

Nia, Rami(VC) sawi ang hian Mizo pangpar lam pawh saptawng i thiam tluk zetin i lo hria. Thingtlanga seilian ni mah ila heng Mizo pangpar i rawn sawi thenkhat hi ka lo hre ngai mang miah lo. Zoology emaw Botany background i nei hial lo maw? Sekhupthur hi erawh Bteii ang lo takin hetiang lo chi zawk- a lian chi luikam leh ruam vela awm thin kha ka mitthla ah lo lang. Sap pangpar hi keini chuan 'Sappui par' kan ti thung:). Pangpar pakhat Oneday/englawm tih kha i hre ngai em? hmuh ka lo beisei ve ngawt a. Hussop par te ka hmu ve ta a i zar ah lawmawm hle mai. Tak takin hetiang lam hawi hi post zeuh zeuh teh Mizo fate tan a la tangkai dawn emai. Sa

Jerusha said...

Unaunu - Hnahsin hi chu a rim te thleng hian ka rilru hi a khawih tawp, ka duh dan chu nasa tak ani. A chi hmanni ka zinna ah an lo zuar a, ka lei teuh a phunna tur ka nei leh bawk si lo ka sem ta vel mai mai :(

Sekhupthur chikhat lian deuh trial chi kha ka ei chak.

Rams - Eng atan lutuk a ngaih tur a awm lo, a eng a mah khi 100% dik a awm bik ka ring lo, nel nual vel vek ani e. But danke anyway :)

azassk - Boss, pangpar hming hriat em em loh chu mipa I ni bawk a kan ngaidam mai ang che :-) Thlalak I rawn dah ho hi ka en ve ziah ania, rawn dah zel ang che. I sawi ang chiah khan, ho te pawh ni se nakin zelah a la trangkai dawn tiang te te hi.

I sawi ang khan tiang lam hi 'online' hian tam deuh se keipawh ka ti ngawt mai.

Keichu college ah Zoology ka zir na a, heng ho hi chu college atang a ka hriat chhuah a ni lem in ka hre lo. Mizo pangpar ka ngainat na chhan chu ka nu vang a ni deuh ber in ka hria.

Chuanin mi fak derna zawng zawng ah ka lawm e :)

Jerusha said...

azassk - Belh leh lawk - Sap pangpar 'Sappui par' tih chu a dik zawk hmel khawp mai. Ka nu bulah ka zawt thin, engatinge Sap Pangpar kan tih, Sap ho han hriat hma in hming a nei lo ami, Sap ho lo thlen hma in engtin nge kan koh - nge Sap ho rawn ken..ka tia, ka zawt nasa thin. A hre bik lo, ani pawh khan Sap Pangpar a ti ve miua sia. Mahse Sappui Par chu anih ngei ka ring ta, sawi sual leh hriat sual kal zelin tam tak chuan Sap Pangpar angin kan ngai fel hmak aniang.

Oneday/englawm tih chu ka hre mai lo. One day par tih thin pangpar pakhat chu kan nei thin, mahse ka chiang tawh lo eng tin chiah nge a awm tih kha. One day kan tih thin chu Chrysanthemum family zing ami, wild deuh hlek chi aniin ka hria - http://en.wikipedia.org/wiki/File:NIEdot318.jpg - heng ami ang deuh hlek, mahse a hnah chu a hring paw lek lek...

VaiVa said...

Sawi thui hman ka la ni lo tlats! I rawn tawk tha hle mai! Mah se, Pangang leh bal erawh pangpar annih ka hre lo :P

Jerusha said...

Vaiva - Pangang leh bal kha chu boksik an nih kha :D

aduhi said...

lung ti leng ngei mai. Heng pangpar ho hi hmuh lohna a rei ve tawh khawp mai. Chhawkhlei hi rhododendron ani tih reng2 ka lo hrelo (lehkhabu velah te hian rhododendron tih hi ka hmu fo a ka lo en liam vel mai mai a) chutiang bawkin sap pangpar/zinnia, nuaithang /balsam/ zamzo / cockscomb.. A tangkai hle mai i post chu, ti hi chuan mitthla pawn kan hmu thiam uai uai dawn anih hi Farm Town khelh leh hunah poh :)

illusionaire said...

Very very very good and useful info, me dear. Our very own specialized Botanist cum translator :-) Hei chu research ti te tan pawh a tangkai fu ang.

tetea7 said...

Fine and valuable piece...

Ka naupan lai min ti hrechhuak a, ka lung i ti leng thar hle

chawnghilh said...

A greener Eden, I love your sepals and petals!

Awzzman said...

Isua Thinlung te a lo awm ni maw? :-)

e khai, ka rin ai in i lo Botanist daih mai a, cl-12 ah khan botany ka la ve a, chutah ka la hriat ve reng chu Bal=Malanga khi a hming chu ka hre ve...

nancy said...

tha hle mai. pangpar hming hi a sap hming emaw mizo hming emaw poh hian ka hre lo ve khop a.
Duli par (Dianthus) khi ka tet laiin kan nei thin a, ka lung a ti leng e, ka nu in kan naupang ber a neih hian damdawiinah kan kan a, ka pa in hemi pangpar hi a thliak a, kan va pe vel ngei... eee thil tha tak min hriatchhuah leh tir a lawm le :)

Tetea said...

I'm no sexist but from my personal experience I think girls are always better with anything that has something to do with flowers (must be some girl thing). Same here with regards their names. I'm terrible at remembering what they're called...

Then again, it might just be my lack of interest in them that's responsible for everything...

Anyways, great post. Until now I didn't know much about flowers except for those mentioned in Rokunga's famous song.

Anonymous said...

kei chu pangpar hming hi mizo poh english poh kan hrelo khop ah! hindi phei chuan hre lo leh zual. Ka hriat ve chhun chu Nihawi-Sunflower; Rose-Rose.
keep on writing cuz ----(a u sando)

667 said...

Nangmah ang mihring hi a ni ka ngaihsan ni.
Baibing hi saptawngin engtin nge an tih le? Min hrilh theih chuan ka lawm hle ang? It's the spadix of some kind of a taro? A ni tiraw? That's all i know about it? (A tui em em tih chu sawi ngaiah ka ruat lo a).
Chuan thil pakhat, (Sam lehkhabua) Babulon lui kama thute tingtang banna "tuipuisuthlah" hi plant a ni tih rei tak ka lo hre lo a, midang tam tak pawhin an hriat loh ka ring. hehe..

Shine on...

Jerusha said...

aduh - hahah farm town khelh hun kha pawimawh ber mai a :) Sawi tawh angin an sap hming khi in chhui chian deuh loh chuan dik lo nuaih hlawm thei tho tih kha hriat reng tur :)

Kimskims - Can you imagine what we can do together? Maybe we can put together a book, your copywriting skills can gloss all of this up :PP

Tete - Thank you! Keipawh eng dang zawng ai chuan naupan lai min tih hriatchhuah na hi ka tuipuina ber chu ani mai. Tet lai leh mihring boral ta te..

Jerusha said...

Chawngchilh - wow, that's too pretty a line to not come in a complete verse :)

Awzzman - Isua thinlung pawh hi chi hrang hrang an awm a, an nung duh a enkawl an nuam thei lutk.

Botanist lo nasa! Kei chu Botany chu Bsc thleng ka zir a, ka major na ni lo bawk a ka ning thei nasa. BSc thleng ka zir chung hian Bal chu Malanga tih te chu ka hre re re hleinem, tun hnu a ka hriat chawp chauh ania, kei ai chuan I Botanist fe zawk anih chu.

Jerusha said...

Nancy - Duli par in ti ve tho ami? Dianthus tih khan a lar zawk thin a. A nalh ka ti ropui keipawh ka lung a ti leng lutuk. Bakah a sap common name 'Sweet William' tih hi ka duh bawk a, ka u hming ania :)) (minus the sweet)

Tetea - I agree with you it's not too common among Mizo men to have a lot of interests in flowers. I have noticed however that this is not the same outside of India, I have met men from other continents that are very interested in flowers and seem to know even more than my mom :-) Maybe it's a regional thing - European mipa ho hi an tui phian zelin ka hria.

Jerusha said...

Boss Sando - Ka nu te unau hian an hre khawp mai. Esp your dad, ka nu pawhin I pu hi chu ramah kal ila, hnim engpawh hi zawt ila an Mizo hming dik takin a ko thei vek a ti. Ramah te ka kal pui hman lo a ka ui ngawt mai.

667 - Thank you!

Baibing hi I sawi ang khan Taro leh a chung a sawi tak Malanga te family par hi ni maiin ka hria a. Mahse ka baibing hi ka hre chiang lo, eng dawl nge a nih? Kan bal ei dawl hi ani em? A eng a pawh chu ni se, a hranin a par bik hian hming bik common name vak a neih loh hmel. I rawn describe dan hi (spadix) a accurate ber ang ka ring.

Babulon lui kam a tuipuisuthla chu ka lo ngaihtuah ngai lo re re. I rawn share a lawmawm hle mai, English Bible ah chuan an tingtang banna kha willow a intia, weeping willow hi tikhan a Mizo hming kan hriat phah ta hlauh anih kha :)

Lalrinmawia said...

NIV ah chuan 'poplar' tiin an dah a.

Sam said...

Chhawkhlei hi Lawngtlai leh Saiha district ah tlang sang ah te hian Chhawkhlei chu hmuh tur a tam. December thla laihawl velah va zin la chuan, tlang i lawn peih phawt chuan hmu tur a tam... Mt. Phawngpui, Mt. Mawma, etc, tlangchhip leh a bul hnaivai ah hian an tam mai...

Very good post.. Anthur pangpar ah i telh kha ka duh tlat bawk..

jerusha said...

rinmawia - Ka lo notice miah lo a, kan check chhin a a in ang lo nuaih mai version a zirin. Hriatchian deuh a chakawm khawp mai.

Sam - Anthur chu Angiosperm family a nih na angin kan telh ve anih kha pangpar group ah :D

Lucy In The Sky said...

Awi ka lung i tileng lutuk. A chunga mi tam zawk, mizoram kan uar deuh deuh ang khi vairamah ka hmu mang lo reng reng.

Nuaithang i tih khi "Tuktin par" ti i ka lo hre ve ringawt.

Fartuah hian ka lung a ti leng em em bawk..

EPISTEMOLOGY said...

Boss..Lung ava ti leng ve aw...

Thenkhat hi erawh chu- Chhimlama kan hman dan nen inang lo. Mizoram khawdangah pawh dang hlek hlek mai thei. E.g "Sekhupthur" hi kan tetlaiin kan ei thin a. I post nen inang lo viau mai. Hruipui rah aia te deuh chi hi ala awm a "pawite ha" kan thin.

Nuaithang: Balsam hi "tinum par" kan ti tlat bawk..

Ram Nuaithang i tih hi "ram tinum" kan ti a..A changin Sanghar Vaibel kan ti bawkin ka hria..

Mawza par i tih hi khaw thenkhat ka kalnaah chuan "Pensil Par" an lo ti tlat bawk.

"Mitthi pangpar" tih hi Mizo in mumal takin kan neiin ka hria..Mahse, ka hrechiang ngam lo.

I tih ka thik ve dawn, ka haw leh hun chu project insiam chak tak tak ka ngah. Mizo net world ah chuan, nang lah Kimi Shanaz hi in advance ber mai..!

Jerusha said...

Lucy - tuktin par :P Tuktin par hi artukkhuan hi ani tlatin ka hria. Mahse ka chiang lo. Mahse nuaithang khi chu nuaithang ani chiang ngei! haha


Boss - tiang comment ang hi lawm ziah man awm tir tu chu. Pangpar hming in sawi dan chu a dang tak anih chu, ka hre ngai lo re re I rawn sawi rik ho hming hi.

Mahse sekhupthur hi chu keipawh chi dang dang a awm a, sekhupthur pui ber chu a ni lo hemi lem ami hi chu. Chuan pawite ha chu I sawi takah chuan ka hrechhuak ve leh hnuhnawh, keini pawh pawite ha chu kan ti thin ngei mai.

Han ziak ve teh, a bu in rawn siam la ka lo lei chiang ang :)

Anonymous said...

Afternoon! I am new to the forums I hope this is the correct place to say hi.
Anyway yeah I wanted to say hi [url=http://www.homeinternetjobs.com.au][img]http://www.homeinternetjobs.com.au/laptopsforcheap.gif[/img][/url]

Jerusha said...

haha the pictures are just adorable!

eL said...

pangpar hi- chu a mawi reng dawn a nih hi.....hetiang blog tha lutuk hi engtinnge a hma atang khan ka lo hmuh loh theih le///Kumtluangpar= Periwinkle (Y)

Anonymous said...

"Mipa pangpar sam tak nuap nuap chu" tiin kan thianpa sek fuat mai hi a nui kur kur thin. Kan thian pakhat chuan "Zoram pangparte hi hriat chian a zir tham a awm a sin" a lo ti ve bawk a. An Pa dan kha a dang ve ve :) Zoram vang tal pawh hian Kan pangpar hi hriat a ngai a ni!

Anonymous said...

Derhken a tel lo nih hi...

Anonymous said...

i blog hi ka vawi khat luhna,mizo pangpar lamah phei chuan a aia tha ka la hmu lo,ka theihnghilh tawh ka hriat belh phah, a tha hle mai,hei aia kim a tih han tum teh...

mesjay said...

He post chu a tha in a tangkai lutuk. A pic hi ka copy nual, pawi lo em?

Vanlaldiki Khiangte said...

Hnahsin hi ka duh tawp thei lo,ka lung ati leng tawp

Chhantei Nu Apuii said...

Van tha em... khing pangpar te khi ka hriat mangloh te an tam athen amizo țawnga ka hriat, a sap hming ka hriat loh te an ni bawka ka hlawk pui hle mai.

Chhantei Nu Apuii said...

Van tha em... khing pangpar te khi ka hriat mangloh te an tam athen amizo țawnga ka hriat, a sap hming ka hriat loh te an ni bawka ka hlawk pui hle mai.

Anonymous said...

Hnahsin par chi or tiak hi khawiah nge lei tur awm ang min hrilh thei a ngem? Chuan hetianga mizo hming leh a pangpar thlalak i dah kawp hi kan lo hlawkpui khawp mai����