03 August 2010

Mizo thei leh thlai te leh an Sap (leh vai) hming

Pangpar leh a extra kan ti tawh bawk a, tunah thei leh thlai leh bonus ho han ti leh teh ang. Keipawh mi huan a thei lo ru kumkhua lo in, mahni a thei huan te hi Pathian in rem A tih chuan siam ve te hi ka chak a, chung tih dawn hunah internet a han search zung zung theih nan an Sap hming hriat hi a tangkai.

Heng ho hi chu kan naupan laia kan koh thin dan a ni tlangpui a, an hming dik tak a ni leh nih loh ah ka chiang lo.

Ar-a fanghma: African horned cucumber, horned melon, blowfish fruit (US lamah) etc

Kan naupan lai chuan khat tawk a ramhnuai a hmuh fuh hlauh tih loh ah chuan hmuh tur a vang. Chaltlang Zotui tuikhur bulah khan a zam nasa thei. Zotui kha a hrang an ti thin a, ngaina lo deuh chung pawhin Ar-a fanghma a rah tih kan hriat chuan kan kal tang tang thin.


Bawrai: Indian Jujube, Indian plum etc. Vairamah North lamah kha chuan 'Ber' kan ti mai thin, South lamah hi chuan...ka hre lo.


Vairam bawrai lian lurh ang chi hi chu tui ka ti lo khawp mai. Mizoram bawrai phak deuh chep chuap ngei kha a tui. Vairam ah hian pawn a an rawn zawrh hi chu hetiang lian tui lo chi hi a ni na in, an ramhnuai ah te leh kawt ah te pawh bawrai kung lo rah hi chu kan ram lam ami nen a in ang.


Bepui: Hyacinth bean

Hei chu sawi vak tur awm lo. Saum nen thak tek tok in bai ila a tui em em tih mai loh chu. Chhumhan pawhin a tui tho.



Bepui thlanei: Winged bean

Hei pawh thil tui dang. Hei chu a saphming hi a common a kan hriat fur ka ring. Ka telh nachhan chu a Sap leh Mizo hming meaning in ang vel dan em em hi a mak ve mai mai a. "Literally" a Mizo to Sap (or vice versa) a leh te pawh a ang.



Chengkek: Kokum, Wild Mangosteen, Red Mango

Chengkek hi a lar em em lo nain, a cousin Purple Mangosteen hi chu khawvel ah chuan tropical fruit lar pawl tak chu ni. Thei poster ah te khan hei chu an telh ve ziah kha :) Thailand/Indonesia velah khian hei hi chu a tam a. India ramah pawh theizuar lian deuh chuan hei hi chu an nei ve tlangpui. Hyderabad ah chuan pali vel zel a pack hi Rs 60-70 an ti. Delhi ah chuan kum 5 kal ta khan pakhat hi Rs 100 in an zuar thin. Imported a nih tlangpui vangin a to.

Chengkek pawh Mizoramah heti em em a a that theih chuan heng chi pawh hi a that duh ka ring. Han ching teuh mai ila, India ramah thawn chhuak ila, imported price ai a hniam deuh si in, a hlawk duh ngawt ka ring. Hei chu Chengkek ang lo takin a pawn tuamtu hi a ei theih loh a, mahse a mu var lai hi a thlum bon thuais a, vai ho duh chi tak ani. Aizawl ah ka hawn a, thenawmte leh chhungkhat ho te ka eitir a, tui an ti nasa. A mu an dah tha sap sap mai kui tiah beiseiin. Lo kui tiak hlawm tak ang maw...


Hlonuar: Sensitive plant, humble plant, shameful plant, sleeping grass, touch-me-not

Hei hi chu 'touch-me-not' tih hian kan hre lar hlur a, a hming dang ho khi bepui thlanei ang deuh, a in leh mawi em avangin kan telh ve re re ani e. Eg. Hlo = plant, nuar = sensitive (mi sensitive thinrim hma deuh te sawi nan a kan hman ang context in). A zung hi rulchuk damdawi ah a tha an ti.



Iskut: Chayote, Chow-chow, Vegetable pear etc

Hei pawh 'squash' tih chauhin kan hriat dan a ni tlangpuiin ka hria. A tui ve em avangin boksik ve re re ang :)



Kawlsunhlu: Otaheite Gooseberry, Malay/Star/Tahitian Gooseberry etc

Hei pawh thil tui full fight! :) Sunhlu pangai aiin tui ka ti zawk.


Lenhmui: Jambul, Java/Portuguese Plum etc

Hei vairam ah chuan Jamun kan tih hi. Hei pawh hi vai Jamun lian pui pui ai chuan a thlalak ami ang Mizoram a te reuh te te phak deuh deuh kha a tui ka ti zawk. Kan in kawt ah kan nei thin a, a picture ami ang chiah hian a rah thet thin. Ka lung a van tileng tak!



Pawihte ha: Salak, Snake fruit etc

Pawihte ha leh hruipui rah ah hian ka buai! Ka nu chuan thil in ang an ni lo atia, hruipui rah ni a ka hriat chu Pangpar post ah khan Moriche palm tih a ka dah kha.


Rul chaw: Mock strawberry

Tuikhur leh hmun dam ah khan a to duh thin. A hmel a it awm avang hian kan ei leh nge nge thin, mahse a tui lo.


Sazu theipui: Velvet apple, Mabolo

Hei chu phak thlawn. A hming re re atang hian a itawm loh, mahse ei chuan ka chhung zawng zawng a duk vek theih avang khan intih bawn nan naupan lai chuan kan thial lui tawlh tawlh thin :)



Sertok: Pomelo

Sertok is veri tui tih mai loh chu sawi vak tur awm lo.



Theiria: Jabuticaba (??) - Hei hi chu theiria ka hriat dan hi a chiang loh avangin a dik loh ka ring mah mah. Mahse ka mitthla a theiria ka hmuh dan nen chuan a inmil viauin ka hria.
Bukpui khua ah vawikhat chu ka pa in min hruai a, kan thlenna te in kawmthlang ah theiria kung hi an lo nei a, heti hian a kung leh zar zawng zawng ah khan a rah duk hi a lo bet khat chur mai a, ka thau ah te min man deuh titih. Natna a ang :) Mahse a thei hi chu a thlum a a tui bakah a mu te kha a nem vek a a ei theih zel mai a. A mu nen a ei zel theih hi thei ah chuan a tha ber mai! :D Bawngkawn Brigade field thlang ram ah pawh sawn theiria kung chu a awm nual thin.


Tuaitit: Bignay, Currant tree etcHei pawh thei tui (mahse ei em em dan a vang) leh lung ti leng.


Thei herawt: Starfruit, Carambola etcHe thei hi chu ka thei ngainat loh tlemte te zing ami a ni hlauh. Ka ei luih chuan ka luak dawn zel.


Zapan zawngtah: Leucaena, Coffee bush
Bekang nen, hmarcha hmui nen han rawt ila a tui full. Vairamah hmun tinah a to hi Mizo vairam awm Mizo chawhmeh rawp em em tan chuan a vanneihthlak. Keini pawh kan apartment kawtah a rah reng a, duh hunah chuan zanah zuk lawh zuai ani mai. Mahse ka ngaih bel nge vairam ami hi Mizoram ami angin a tui ve lo in ka hre leh tlat.


Chawngbawla: Kaffir LimeSer ah chuan tui ka tih ber pawl. A thur dan hi a chiang. Thei tan hian piangthar hi thur dan ah hian teh ta ila he thei hi chu a piangthar tha ngawt ang :-)

-------------------------------------------------

Chiang lo group - chhui peih te tan a chhui zawm tur

Pangkai: Langsat

Langsat an tih hi a thlalak vel a an lang sat sat danah hian pangkai ni ngeiin ka hre na a, ka chiang ngam lo. Engnge in ngaihdan?


Ka thei hriatpawlh tawp theih loh chu theitat leh tuai ha beh. Ka mitthla a ka hmuh danin hetiang ve ve hian ka hmu -

Heng hi Lakoocha an tih leh Kwai muk an tih nen hian a in angin ka hria. Lakoocha leh Kwai muk hi chu tlem in an dang na a, family khat, in ang lek lek an ni.


Thei pahnih ka vei em em an saphming ka hmuh theih miah loh chu khawmhma leh bil hi. A hria chuan min rawn hrilh ula lawmman ah khawmhma den ka lo pe ang che u :-)

------------------------------------------------


Tunah bonus track :P


Ka thil mak tih mai mai, kan Mizo tawng leh Saptawng te, kan Mizo 'myths' leh ram dang myths te lo in ang ve tlat thin ho pahnih kan boksik lok ang e.

1. Seliah - Cowlick

Seliah hi Sap hovin cowlick an lo ti ve hi mak ka ti. A in ang chiah chiah a a meaning hi. Se liahna hnu chu a ang pawh a ani maithei, mahse han an theih hi a ngah em a, entirnan 'Sam luhlul' te pawh lo ti ta ila awm ve tak tho ania. A sap ho pawhin 'cowlick' ti loin 'Pillow hair' (hehe) te lo ti ta sela a awm ve thei tho. Mahse hetiang a sam awm kan hmuh a, thildang tam tak a an theih kar a, bawng in a liah na hnu chiah kan lo tehkhin ve ve a, ''Seliah" kan lo ti ve ve hi a mak reuh ve mai mai.


2. Chawngtinlerhi fapa leh Greek ho Satyr leh Roman ho Faun

Chawngtinlerhi thawnthu ah khan lasi, ramhnuai leh ramsa te lal pasal a neih hnu ah a fa nausen nen a U an va tlawh a. A naute chu puanin a tuam tlat a, a U chu a naute ke lam en a phal miah lo tih kha awm kha. A U hnenah 'Ka naute ke I lo en chuan vawikhat mah min hmu tawh lo ang' a ti a, mahse a U chuan a en chak ta tlat a. A puan tuamna chu a phelh a, naute ke chu a enru ta a. Naute chu a lu lam chu mihring naute pangngai ni si kha a ke chu kel ke a lo nih kha.

Greek ho ramhnuai 'huai' Satyr ho pawh hi mihring lu leh kel ke an lo ni ve leh zel a. An ni ngaihdan pawh khan Satyr ho chu ramhnuai huai chikhat, 'woods and mountains' a cheng an ni a. A mak ve mai mai na chu, hetiang culture in ang lo lutuk, Greek ho lahin Mizo an awm tih pawh an hriat loh, Mizo lah Greek an awm tih pawh an hriat loh lai a, hetiang 'huai' - ram leh tlang vel a cheng, mihring lu leh kel ke nei kan lo nei ve ve hi. An lo awm tak tak thin emawni leh te ka tih phah rum rum.

Mahse Mizo in kan sawi tel ve loh, Greek ho version a tel ve ziah chu Satyr ho hi an *hur* hle tih hi :D An lem ziah re re ah pawh an shekshi thei hle. A tlip nan, satyr picture seksi tak bonus ah kan dah ang e :-)

:-)



33 comments:

Alejendro said...

Bonus track hi ka tleipui hle... :-P

Jerusha said...

I tleipui dawn tih ka hriat vangin nih kha ka rawn boksik. Bonus track ni lovin, bonus track ho tlipna hi tiro I tleipui chu7>

illusionaire said...

Very informative my dear jer jer.

Anonymous said...

Bengvarthlak hle mai. An sap hming emaw, an botanical hming emaw ka hriat loh an tam zawk tlat.

Theiria thlalak khi chu, Mizorama theiria nen ainang lo. A kungah a rah bawr ngai lo.

Theitat vrs Tuaihabeh. Pic khi chu theitat ani e. Lamkhuang ang deuhvin pawnpui pawh a neih khi,tuaihabeh chuan a nei lo.

--Sekibuhchhuak.

Jerusha said...

Theng khiu kim kims!

Pu Seki - ngati nge I rawn anonymous luh tak ruah mai a? :P

Chuti anih chuan theiria ka lo tih ve char char chu theiria chu an lo ni miah lo anih chu hahah Ka tih ang chu helai lem ami ang hi rah dan chu, a kung ah a bawh khat chuk.

Tuaihabeh chu a thlalak share tur te I nei lo maw? Ka ngaihtuah thiam chuang lo..A chhung hi chu a in ang deuh tiraw a pawn chu thudang nise?

dr_feelgood said...

Which is real, whiich is fiction?
Berul= Snake bean
Lamkhuang=Dancing drum
Theitat=Rubbing fruit
Zawngtah=Monkey cry

Jerusha said...

LOL! Dr feelgood, zero father zero mother hun lai min ti hrechhuak :)

Alejendro said...

A tlipna ah pawh a hnu hnungber khi :-P

virgochhas said...

fak lo thei kaaa ni loooo...tiin ka zai vak dawn e....

thiannu, fak lo thei che ka ni lo...hei chen kan in hriat ve chinah hian ka tlukloh zia che hi ka hre thar fo thin...

Mizo thawnthu i hre viau a, ka ngaihsan tawh teh lul che nen... mizo pangpar lam i lo hre hnem lehzel a...chutah thei lam thlengin maw....Siamtu hian a hmangaih bik lutuk che a, ka thik trep toh che...

i thei rawn sawi zingah hian a hming chauh ka hriat, a hmel ka hriat miahloh, te an awm a....tin, a hming pawh ka hriat loh hrim hrim te pawh an awm...

tin, seliah hi ka vawikhat hriatna a ni bawk

han ti zel teh le...i blog hi hnam ro hlu a tling takzet zet a nia

Zaia said...

A va han tha tak. Kei hre lo heh heh hian ka tangkaipui ngei mai.

Jerusha said...

Virgo - hehe Min ti lai zo vek. Mahse thank you em em le! :) Seliah hi chu ka thianpa pakhat in a neih thin avangin ka hria a, a sap hming hi ka hre ngai lo a. A sap hming rawn hre chhuak tu leh min hrilh tu chu ka nau Es-i ania, hei chu credit pawh la thei ka ni lo.

Tui zawng zanwg a awm a, Mizo tawng ziah ah te ka tluk lo nasa che. Tikhan han ngaihtuah ila a lo inremkhawm fel leh thleps thin :)

Zaia - Lo chhiar a tlem tal a hlawkpui in lo awm khan 'research' leh ziah hah man a ti awm! So theng khiu :)

luliana said...

I changkek khi...a rawng a dang riau a ka hriat. A duk/tak deuh in ka hria...

Jerusha said...

A duk zawk khi chu a cousin ka sawi purple mangosteen khi ania, amah Kokum chu keini chengkek pangai ngei hi ani e :) Ka picture thlan khi a fuh vak lo pawh ani maithei. Wiki ah hian a chiang - http://en.wikipedia.org/wiki/Garcinia_indica

reverie said...

Hey, rin aiin i va hre ve, thil hming ho chu. Ka chaklohna lam tak a ni. Interesting!

Jerusha said...

reverie - risk nual vek ani kha, hre deuh deuh ho hian an ron komen tam lo a..

Dave said...

Ngaihtuah chhuak tha thei khop mai.

Moses said...

Va ti tha thuai2 ve a.

Jerusha said...

Dave & Moses - ti lawmawm e!

Irene said...

Ziak tha khawp mai. ka hriat belh leh ta i zarah Mizo thei hming.

Ara fanghma ngei hian ka lung a kuai em2.

Jerusha said...

Irene keipoh ara fanghma hi ka ei chak tawpp! Han lawhna tur emaw han leina tur emaw hi awm der si lo..

Lucy In The Sky said...

Awii..a shap hming chu sawi loh, a mizo paw'n hriat loh ka nei :)

Kei pawh khawmhma hi enge a nih ka lo ngaihtuah thrin a... leh Thingsemim. Chuang engemawni pakhat, a mizo hming ka theihnghilh, tomato ang deuh, thur deuh kha!

Lucy In The Sky said...

oh by the way, ka thrianpa zapan atrangin a rawn thleng dawn a thil min rawn hawn ve ngei a tum a, enge chah chi ang le? To lem lo, lian bawk lo, a ni mai ang chu

Laldinfela said...

I Pu Medicinal Plants-a mi i lakchhawn chu a ni em lo maw? Back back the phantom bite tihte pawh min tihrechhuak rum rum a lom le!!

mesjay said...

I lo chik, rawn thawh tha lutuk. He post hi reference atan ka rawn hmang thin ang.

Ram dang myth leh kan Mizo thawnthu inmil a mak ka lo tih ve thinchu arsi hming--Chawngmawii (Venus) hmeichhe hming ania, Hrangchhuana (Mercury) mipa hming ani ve hi.

khumchikthei said...

Lenhmui hi blackberry pawh an ti tho in ka hria.

Theiria hi zoram lama kan neih nen a inang lo deuh, a kunga rah loin a tang lerah thei dang angin a rah zawk thin.

Tuaihabet hi chu chengkek ang deuh a a mu thlur tuamtu pulp nei, han ei a tui tak, nimahsela hakuh deuh fura inhriatna min siam thei a ni lawm ni kha.

I post tha hle mai.

Jerusha said...

Luce - welcome back to the online world! I reh vang vang hle mai. I wedding pics ka la nghak reng ania auh! Tomato ang deuh I tih chu vanni an rah ani em? Mangosteen family tho aniin ka hria..

Zapan atanga chah tur chu thawmhnaw :) Thildang hi chu engpawh nise, an thawmhnaw khi a mawi bakah a size kan inmil a. Pheikhok leh pawnfen pakhat ka lei a, India ram ka rawn thlen hnu ah ka lo lei tam deuh lo kha ka inchhir ta khawp mai.


Dins - ka pu medicinal plants bu kha a copy ka nei lo a. A hun lai khan eng atan mah ka ngai ngai lo, a thih hnu ah ka tui thar leh sia..Chhungte han chah tur ani

Jerusha said...

Mes - Venus leh mercury chu ka lo ngaihtuah ngai lo, I rawn sawi tak ah chuan interesting top. Han ziak ve teh thui deuhin :)

Khumchikthei - haha theiria chu fuh vak lo nih hi, ka mitthla ka theiria hmuh chu hetiang ang hian a rah tuarh a, theiria ka lo ti ve char2 a a lo ni lo ngei anih chu. Picture hmuh a chakawm khawp mai.

Blackberry tih chuan phone chuan ka mitthla ah a lang haha. Mahse b;ackberry tih tlawng chuan theihmu ang type, ram theihmu ang chi ani...

Lucy In The Sky said...

Vannian rah ni nang. Ka sawi mi chu a thur uluk tawp. Chengkek an ti amaw ka tia, i chengkek nen khian a in ang si lovaaaa ... Naktukah ka u ka lo zawt ang. Ka lo hrilh leh dawn che nia hihihihi


Awi..hmeichhia chu nise thawmhnaw ka chah hrim2 ang mahse mipa a ni sia, a buaithlak deuh, thil thring deuh min rawn hawn a hlauhawm lol. Thil engemaw neih reng tur hlu deuh a awm takin ka ti deuh a.

Jerusha said...

Luce - chengkek khi a purple zawk khi chu chengkek ani lo ania :) Chengkek chu nih hmel chu I sawi danah, a chung zawk picture khi ania, a pic khi fuh em em lo. Wiki a link ka dah hi en chhin rawh.

dean said...

An insightful post indeed, ka bright phah sawt alom mawle. With regards to "Chawngtinlerhi fapa leh Greek ho Satyr leh Roman ho Faun".... I once had to sit through a lecture on 'comparative mythology' as essays by Frye,Levi Strauss were examined. The very boring lecture aside,what piqued my interest was that many scholars and anthropologists found likenesses not just in terms of the creatures per se but also similarity of names among many cultures' mythologies suggesting that all cultures originate from a common ancestral culture and that that all myths show signs of having evolved from a single myth or mythical theme.. whadda you say to this? think about our 'Mitthi Khua' and that of 'Hades'?meaning that both the mythologies speak of a place, an underworld wherein the dead reside..

ku2 said...

awi, va informative vee, ka hriatloh a tam lutuk, a sap hming phei2 chu. Ka chil a put bawk.

Chuan Chawngtinleri fapa chungchang hi ka lo hre miahlo aa. Common ancestry hi chu kan lo nei aniang, kan myths ah hian tiang inanna hi a awm leh zeuh2 zel. Keimi (were-cats) kan tih ang te hi an lo neive treuh mai. Chuan Tlumtea te unau thawnthuah khan ka hriatsual loh chuan sakawr thla nei a awm ve ngeia, pegasus and deuh chi hi mi le te ka lo tia. Kan myths te hi zir chian leh tur ani.

Mangaia said...

A bengvarthlak hle mai. Rawn dah belh zel teh...

JpaSolutions.in said...

SAP and Oracle are releasing tons of patches every month, but are enterprises up to this complex task. To know more , visit sap training in chennai